Энергетикалық сала тек электр монтерлерін, инженерлер мен диспетчерлерді ғана емес, сонымен бірге жұмысы энергия объектілерінің үздіксіз жұмыс істеуінде маңызды рөл атқаратын химия зертханашыларын да қамтиды. Сынақ қызметінің химиялық зертхана зертханашыларының күнделікті еңбегінің арқасында энергия объектілеріндегі апаттар мен ажыратудың алдын алуға болады. Бүгін біз 30 жылдан астам өмірін «Маңғыстау өңірлік электртораптық компаниясы» АҚ-дағы (МӨЭК) жұмысына арнаған  өз ісінің үздік маманы Жанслу Давлетова туралы айтып бермекпіз.

Өмір жолының басталуы

Жанслу Давлетова орта мектепті бітіргеннен кейін Волгоград мемлекеттік техникалық университетінің химия-технология факультетіне оқуға түсті. 1994 жылы ол инженер-технолог дипломын алып, Ресейден Қазақстанға, Ақтау қаласына көшіп келіп, «МӨЭК» АҚ Сынақ қызметінің химия зертханасына жұмысқа орналасты. Осылайша оның отыз жылдан астам уақытқа созылған қызықты кәсіби қызметі басталды.

• Ұжым мені өте жылы қабылдады, әр уақытта қолдап, барлық жағынан көмектесіп отырды. Ерлер ұжымындағы жұмыс әдеттегіден өзгеше, бірақ олар әрдайым жас мамандарға көмектесуге, түсіндіруге және үйретуге тырысады. Шынында да, қызмет жолымның басында маған АЭЖ, қосалқы станциялар мен трансформаторлардың не екенін түсіну қиын болды. Енді, энергетикада 30 жыл жұмыс істегеннен кейін, мен мұның бәрін айтып қана қоймай, көрсетіп те бере аламын, - деп еске алады Жанслу Давлетова.

Мамандығының маңызы

Жанслу өзінің жұмысы әйелдерге өте қолайлы екенін атап көрсетті: зертханалық тексерулер, талдаулар. Алайда уақыт өте келе, ол сынақтар мен өлшеулердің нәтижелері барлық қосалқы станциялар мен энергетикалық қондырғылардың жұмысына тікелей әсер ететіндігін түсінді.

• Егер ақау уақытында анықталса, апаттар мен өшудің алдын алуға болады. Бұл өте маңызды, - деп атап өтті Жанслу.

Көп жылғы еңбегі, кәсіби қасиеттері мен энергетика саласына қосқан үлесі үшін Жанслу Давлетова бірнеше рет салалық наградалармен марапатталды.

Отбасы мен сүйікті ісі

«МӨЭК» АҚ-дағы жұмысы мансап үшін ғана емес, Жанслу Давлетованың жеке өмірі үшін де маңызы зор болды. Дәл осы жерде ол сол кезеңде Механикаландыру және көлік қызметінде жұмыс істеген болашақ жұбайымен танысты. Жұбайымен бірге үш бала тәрбиелеп өсірді: екі қызы мен ұлы және екі немересі бар. Бос уақытында Жанслу бәліштер мен нан-тоқаш өнімдерін пісіріп, өз отбасын аспаздық шеберлігімен қуантуды ұнатады.

Энергетика — маңызды әрі жауапты мамандық

Жанслу Давлетова энергетик мамандығы үлкен жауапкершілікті талап ететінін атап өтті.

• «МӨЭК» АҚ мамандары кез келген ауа райында: аптап ыстық пен аязды күндерде, кейде өмірлеріне қауіп төндіріп, өз жұмыстарын орындайды. Бірақ әрдайым қауіпсіздік ережелерін сақтап, үйіңде сені күтіп отырған жақындарың барын ұмытпаған дұрыс, - деп қорытындылады өз сөзін Жанслу Давлетова.

Оның тарихы – мамандыққа деген адалдықтың, өз ісіне жан-тәнімен берілудің, өңірдегі энергетикалық жүйенің тұрақты жұмысын қамтамасыз етуге ықпал ететін іске деген сүйіспеншіліктің дәлелі.