Бүгін, 2025 жылғы 6 қаңтарда, Respublika партиясының Маңғыстау филиалының өкілі Нұржігіт Нұрболатұлы «Маңғыстау өңірлік электртораптық компаниясы» АҚ (МӨЭК) ұжымымен Ақтаудағы әуе апаты кезінде зардап шеккендерді құтқару мен көмекке энергетиктердің қосқан үлесін атап өту үшін кездесу өткізді.

Кездесу барысында партия басшылығы энергетиктердің төтенше жағдайда көрсеткен ерлігін, кәсібилігін және жауапкершілігін атап өтті. Салтанатты рәсім аясында құтқару жұмыстарына қатысқан энергетиктер Respublica партиясының төрағасы Айдарбек Қожаназаровтың атынан алғыс хаттар алды.

Нұржигіт Нұрболатұлы өз сөзінде «МӨЭК» АҚ ұжымының үйлесімді жұмысы мен жедел әрекет етуінің маңыздылығын атап өтті:

- Сіздердің жауапкершіліктеріңіз, ерліктеріңіз бен кәсібиліктеріңіз үшін шынайы ризашылығымды білдіргім келеді. Сіздердің қиын сәттегі іс-әрекеттеріңіз, сондай-ақ мейірімділік пен адамгершілік танытқандарыңыз қайсарлықтың шабыттандыратын үлгісіне айналды. Сіз әрқашан көмекке келіп, қиын жағдайға тап болғандарды қолдауға, халқымыздың қайсарлығы мен терең рухани құндылықтарын көрсетуге дайынсыз. Бұл біздің бірлігіміз бен жоғары моральдық негіздерімізді айғақтайды. Сіздерге батылдық пен адамгершілік үшін алғыс айтамын. Біз бірігіп кез келген қиындықты еңсеріп, еліміздің жарқын болашағына сеніммен қарай аламыз, - деді Нұржигіт Нұрболатұлы.

Сондай-ақ, Нұржигіт Нұрболатұлы «МӨЭК» АҚ Басқарма төрағасы Қасымхан Сыздықовқа алғыс білдіріп, оған энергетиктердің ортақ іске қосқан елеулі үлесін атап өтіп, салтанатты түрде алғыс хат тапсырды. Ол компания ұжымы әрқашан алдыңғы қатарда екенін және кез келген қиын жағдайларда көмек көрсетуге дайын екенін атап өтті.