«МӨЭК» АҚ метрологы Құралбай Төренов өндірісті метрологиялық қамтамасыз ету мәселелері бойынша мамандандырылған оқудан өтіп, тиісті сертификатқа ие болды.

«Өндірісті метрологиялық қамтамасыз ету: 2026 жылғы заңнамадағы өзгерістер, өлшеу құралдарын салыстырып тексеру және калибрлеу, зертханаларды аккредиттеу және мемлекеттік бақылау» тақырыбындағы семинар 20–21 тамыз күндері Алматы қаласында өтті.

Оқыту аясында семинарға қатысушылар Қазақстан Республикасының метрология саласындағы заңнамасындағы өзекті өзгерістерді, өлшеу құралдарын салыстырып тексеру мен калибрлеуді жүргізуге қойылатын талаптарды, сондай-ақ сынақ және өлшеу зертханаларын аккредиттеу мәселелерін қарастырды.

Мемлекеттік метрологиялық бақылауға, өндірісті метрологиялық қамтамасыз етуді ұйымдастыру талаптарына және заңнаманың жаңа нормаларын практикада қолдануға ерекше назар аударылды.

Оқыту қорытындысы бойынша ҚКЖ компаниялар тобына кіретін «МӨЭК» АҚ метрологы Құралбай Төренов семинар бағдарламасын табысты аяқтап, кәсіби біліктілігін арттырғанын растайтын сертификат алды.

«Алынған білім мен практикалық дағдылар өлшеулердің дәлдігі мен сенімділігін, сондай-ақ метрология саласында белгіленген талаптардың сақталуын қамтамасыз ету үшін «МӨЭК» АҚ метрологиялық қызметінің жұмысында қолданылатын болады», – деп атап өтті маман.

«МӨЭК» АҚ-да жұмыс процестерін жетілдіру және мамандардың жоғары кәсіби деңгейін қолдау мақсатында қызметкерлердің біліктілігін арттыруға үлкен көңіл бөлінеді.