Хыдырбаева Роза Дүйсенқызы жиырма жылдан астам уақыт бойы өмірін энергетика саласына арнап, кәсіпқойлықтың, жауапкершіліктің және өз ісіне деген шынайы сүйіспеншіліктің үлгісіне айналды. 23 жылдан бері ол «МӨЭК» АҚ-да жұмыс істейді, өз жолын Өзендегі ЭЖА-да қосалқы станцияларға қызмет көрсету бойынша электромонтер қызметінен бастайды.

Роза Дүйсенқызы 1995 жылы Қазақстандағы орта мектепті бітірді. Бала кезінде ол энергетик болуды жоспарламаған, оны басқа мамандықтар қызықтырды. Алайда уақыт өте келе ол энергияның әр адамның өмірі үшін қаншалықты маңызды екенін түсінді және өз тағдырын осы саламен байланыстыруға шешім қабылдады.

Мектептен кейін ол Жаңаөзен мұнай және газ колледжінің инженерлік-энергетика факультетіне түсіп, 1997 жылы бітірді.

-Мен бұл мамандықты тұрақтылығы және сұранысы жоғары болған үшін таңдадым. Жұмысымның маңыздылығын сезінемін. Адамдардың үйлерінде әрдайым жарық болуы бізге байланысты, - дейді Роза Дүйсенқызы.

Роза Дүйсенқызына жұмысты бастау оңай болған жоқ, энергетика тек терең білімді ғана емес, сонымен қатар физикалық төзімділік пен тәртіпті қажет етеді. Ол өзінің алғашқы жұмыс күнін әлі күнге дейін ұмытпаған.

-Толқу болды, сонымен бірге үлкен жауапкершілік сезімі болды, - дейлі ол.

Уақыт өте келе Роза Хыдырбаева сенімді маман болып, әріптестері мен басшылығының құрметіне ие болды. Ол өзінің жетістіктерінің ішінде ұжымның кәсібилігі мен сенімін ерекше бағалайды.

Роза Дүйсенқызы қайырымдылық және қоғамдық жобаларға белсенді қатысатын студент қызын тәрбиелеп отыр. Роза Дүйсенқызының айтуынша, ауыр жұмыс пен ана болуды үйлестіру оңай емес, әсіресе кесте түнгі ауысымдарды қамтыған кезде. Дегенмен, мамандыққа деген сүйіспеншілік пен жақындарының қолдауы оның ішкі тепе-теңдігін сақтауға көмектеседі.

Бос уақытында ол караоке айтуды және отбасы үшін жаңа тағамдар дайындағанды ұнатады.

-Энергетик болу - адамдарға жайлылық пен тұрақтылықты қамтамасыз ету. Қазіргі өмірді энергиясыз елестету мүмкін емес, - деп атап өтті Роза Хыдырбаева.

Ол энергетика әлі күнге дейін негізінен ерлер саласы болып саналатынын және әйелдердің өз құзыреттілігін дәлелдеуі керек екенін біледі. Алайда Роза Дүйсенқызы бұл іске сабырлы қарайды.

-Ең бастысы-өз кәсібіңді сүю және өз орныңды сезіну, — деп атап өтті ол.

Роза Хыдырбаева энергетиканың болашағы - инновацияларды енгізу және экологиялық таза энергия көздеріне көшу екеніне сенімді. Осы салада мансабын енді бастаған әйелдерге ол қиындықтардан қорықпауға және өз күшіне сенуге кеңес береді.

-Кәсіби дағдыларды дамыту, тәртіпті және жауапты болуы керек. Әйелдерде өте жақсы жетістікке жете алады, - деп түйіндеді ол.

Роза Хыдырбаева үшін энергетика тек мамандық емес, өмірлік мамандық. Оның еңбегі аймақтың дамуына, сенімді электрмен жабдықтауға және мыңдаған адамдардың жайлылығына қосқан үлесі.