«МРЭК» АҚ электр энергиясын есепке алу аспаптарының көрсеткіштерін беру және мобильді қосымшалар арқылы төлем жасау тәртібін түсіндірді.

Компания Ақтау тұрғындары электр энергиясы үшін Kaspi.kz және Halyk мобильді қосымшаларындағы «ЕПД Маңғыстау» сервисі (бірыңғай төлем құжаты) арқылы төлем жасауы қажет екенін еске салды. Сервисте электр энергиясы мен басқа да коммуналдық қызметтерге ақы төлеумен қатар есепке алу аспаптарының көрсеткіштерін беру мүмкіндігі қарастырылған.

2025 жылдың қыркүйегінен бастап «ЕПД Маңғыстау» аясында қызмет көрсетілетін Ақтау қаласының дербес шоттары бойынша электр энергиясын есепке алу аспаптарының көрсеткіштері Kaspi.kz және Halyk мобильді қосымшалары арқылы төлем жасау кезінде беріледі. Бүгінде ЕПД арқылы көрсеткіштерді енгізу функциясы дәл осы қосымшаларда қолжетімді. Есептеу үшін қабылданған көрсеткіштер қағаз түріндегі ЕПД-де алдыңғы көрсеткіштер ретінде, сондай-ақ мобильді қосымшаларда көрсетіледі, — деп атап өтті «МРЭК» АҚ.

Электр энергиясы үшін төлем жасап, көрсеткіштерді беру үшін төмендегі әрекеттерді орындау қажет:

1. Kaspi.kz немесе Halyk мобильді қосымшасын ашыңыз.

2. «Төлемдер» бөліміне өтіңіз.

3. «ЕПД Маңғыстау» сервисін таңдаңыз.

4. Дербес шотыңыздың нөмірін енгізіңіз.

5. «Есептегіш көрсеткіштері» бөліміне өтіңіз.

6. Есепке алу аспабының ағымдағы көрсеткіштерін енгізіңіз.

7. Электр энергиясы және басқа коммуналдық қызметтер үшін төлем жасаңыз.

Осылайша, Ақтау тұтынушылары есепке алу аспаптарының көрсеткіштерін беріп, коммуналдық қызметтер үшін төлемді бір операция аясында жүзеге асыра алады.

«МРЭК» АҚ Kaspi.kz және Halyk қосымшаларындағы «ЕПД Маңғыстау» сервисі арқылы көрсеткіштерді енгізу тәсілі Ақтау қаласының дербес шоттарына қолданылатынын атап өтті.

Маңғыстау облысының басқа елді мекендеріндегі дербес шоттар бойынша тиісті аумаққа арналған қолданыстағы көрсеткіштерді беру тәртібі қолданылады.

Оны нақтылау, сондай-ақ төлем, түзетулер, қайта есептеу, есепке алу аспаптары, түбіртектер және берешек мәселелері бойынша кеңес алу үшін «МРЭК» АҚ-ның аумақтық қызмет көрсету орталықтарына хабарласуға болады:

• Ақтау: 14-шағынаудан, 84-үй, «President» ТК, 2-қабат (ҚКО).
  Телефондар: 8 705 748 06 07, 8 705 748 08 09, 8 705 735 85 22.
• Жаңаөзен: Мұнайлы шағынауданы, 1А ғимарат, «Арманда» БО.
  Телефондар: 8 778 268 45 66, 8 777 779 40 50, 8 705 735 85 22.
• Мұнайлы ауданы, Маңғыстау ауылы: 14-орам, 24-ғимарат, 2-қабат.
  Телефондар: 8 777 778 78 79, 8 771 079 30 98, 8 705 748 14 94.
• Бейнеу ауданы, Бейнеу ауылы: Д. Тәжіев көшесі, 20Б.
  Телефондар: 8 777 779 30 40, 8 747 592 72 92, 8 705 748 14 94.
• Маңғыстау ауданы, Шетпе ауылы: Орталық көшесі, «Ұлағат» ғимараты.
  Телефондар: 8 775 589 41 49, 8 777 779 59 69, 8 705 748 14 94.
• Түпқараған ауданы, Форт-Шевченко қаласы: Қызылбаев көшесі, 26А, «Барыс Gold» БО, 2-қабат, 7-кеңсе.
  Телефондар: 8 777 779 29 59, 8 701 593 02 57, 8 705 748 14 94.
• Ақшұқыр: Сахиев көшесі, «Сандуғаш» оқу орталығы.
  Телефондар: 8 777 778 25 25, 8 702 287 76 44, 8 705 748 14 94.
• Қарақия ауданы, Құрық ауылы: Сәтбаев көшесі, 209, 2-қабат, 134-кабинет.
  Телефондар: 8 777 778 38 38, 8 701 694 85 87, 8 705 748 14 94.
• Жетібай: Ұлытас шағынауданы, 11/11.
  Телефондар: 8 777 778 38 38, 8 775 334 78 86, 8 705 748 14 94.