«Маңғыстау өңірлік электртораптық компаниясы» АҚ (МӨЭК) өңірдегі электр желілерінің тұрақты жұмысын қамтамасыз ететін және энергетикалық саланы белсенді дамытатын өз мамандарын мақтан тұтады. Осындай мамандардың бірі Орталық реттеу қызметінің диспетчері Берік Қалдықожаев болып табылады, ол үшін энергетика жай ғана мамандық емес, қазіргі заманғы қоғамды дамытудың кілті болды.

Берік Қалдықожаев 1992 жылы 21 қарашада Маңғыстау ауданында орналасқан Шетпе кентінде дүниеге келген. Ақтау қаласындағы № 16 орта мектепті бітіргеннен кейін 2008 жылы «Халел Өзбекғалиев атындағы Маңғыстау политехникалық колледжіне» түсіп, «Басқару жүйесін автоматтандыру» мамандығын алды. 2012 жылы оқуын табысты аяқтап, Алматыдағы ҚҚЖУ Қазақ қатынас жолдары университетіне оқуға түсіп, кәсіби даму жолын жалғастырды. Онда ол осы саладағы білімін тереңдетіп, 2015 жылы бітірген.

Жоғары білім алғаннан кейін Берік Қалдықожаев энергетикадағы кәсіби жолын бастады. Оның табиғи қызығушылығы мен жетілуге ұмтылысы оның салаға тез бейімделуіне көмектесті. Ол энергия - бұл өмірдің негізі ғана емес, сонымен қатар прогрестің және қоғамның орнықты дамуының маңызды элементі екеніне сенімді.

- Энергия - өмір мен дамудың негізі. Сондықтан мен осы саланы таңдадым. Энергетика жұмысы маған адамдарды жарықпен, жылумен және жайлылықпен қамтамасыз етуге, олардың өмірін жақсартуға мүмкіндік береді, - деп бөлісті Берік.

2016 жылы Берік Қалдықожаев мансабын «МӨЭК» АҚ-да Ақтау ЭЖА жедел-жөндеу бригадасының жүргізушісі қызметінен бастады. Алайда оның энергетика саласында дамуға ұмтылысы мен техникалық процестерге деген қызығушылығы оны кәсібін ауыстыруға итермеледі.

2017 жылы Берік Ақтау ЭЖА жедел-жөндеу бригадасында 3 разрядты электромонтер болды. Жаңа қызметтегі алғашқы күндерінен бастап ол жоғары кәсібилікті, жауапкершілікті және техникалық міндеттерді терең түсінуді көрсетті. Оның еңбексүйгіштігі мен жетілдіруге деген ұмтылысы назардан тыс қалмады: бір жылдан кейін оған 4 разряд берілді.

Бес жыл бойы Берік өңірдің энергетикалық желілерінің тұрақты жұмысына елеулі үлес қосып, электрмонтер міндеттерін табысты атқарды. 2022 жылы оның табандылығы мен кәсіби өсуі Ақтау ЭЖА учаскесінің диспетчері лауазымына тағайындалуымен байқалды.

Берик үшін мансаптың жаңа кезеңі 2024 жылы басталды, ол Орталық реттеу қызметіне (ОРҚ) ауыстырылып, онда диспетчер болды. Бұл рөлде ол энергетикалық объектілердің жұмысын үйлестіруге, күрделі міндеттерді жедел шешуге және сенімді энергиямен жабдықтауды қамтамасыз етуге жауап береді.

- Менің «МӨЭК» АҚ-дағы сапарымның әрбір кезеңі маңызды сабақ және жаңа сын-қатер болды. Жүргізуші қызметінен бастап ОРҚ диспетчеріне дейін энергетиканың жай ғана мамандық емес, қоғамның болашағы үшін жауапкершілік екенін түсіндім. Біз күн сайын жедел әрекет пен салмақты шешімдерді талап ететін сын-қатерлерге тап боламыз. Алайда, дәл осы міндеттер біздің жұмысымызды маңызды әрі қызықты етеді. Энергетика - бұл жай ғана мамандық емес, бұл өмір мен прогрестің негізі, - дейді Берік Қалдықожаев.

Берік Қалдықожаев - өз ісіне ынтамен қарайтын жас маманның жарқын үлгісі. Оның кәсібилігі, командада жұмыс істей білуі және дамуға ұмтылуы оны құнды қызметкер етіп, жастарды энергетика мамандығын таңдауға шабыттандырады.

Жас энергетик «МӨЭК» АҚ-дағы жауапты жұмысынан басқа, өзін-өзі дамытуға уақыт табады. Оның бір әуестігі - кітап оқу, ол оған мансабы мен жеке өмірі арасындағы тепе-теңдікті сақтауға көмектеседі. Үйленген және төрт бала тәрбиелеп отырған Берік өз отбасында жаңа биіктерге жетуге ынталандырады.