Бүгін, 17 қараша күні «МӨЭК» АҚ-да компанияның футбол командасының жетістіктеріне арналған салтанатты кездесу өтті. «МӨЭК» АҚ Басқарма төрағасы Қасымхан Сыздықов команданы жеңісімен құттықтап, ойыншылардың нақты командалық бірлігі мен сенімді ойынын атап өтті.

-«Сіздердің жеңісіңіз бұл тек алаңдағы шеберліктің ғана емес, сонымен бірге командадағы үйлесімді жұмыстың, өзара көмек пен адалдықтың нәтижесі. Сіздер бүкіл компания мақтана алатын спорттық рухты көрсетесіздер», - деді Қасымхан Сыздықов.

Кездесу барысында команда үшін арнайы жасалған жаңа футбол формасы да ұсынылды. Жаңартылған форма компанияның корпоративті стилін көрсетеді және болашақ жарыстарда ойыншылардың бірлігінің символына айналады.

Компания басшысы ойыншылармен тілдесіп, олардың турнирден алған әсерлерін талқылады және команданың алдағы жарыстарға жоспарларын белгіледі. Ойыншылар матчтарға дайындық, жаттығу процесі туралы айтты, сонымен қатар басшылықтан қолдау алды.

«МӨЭК» АҚ футбол командасы Басқарма төрағасына кубок пен естелік медальді табыс етті.

«МӨЭК» АҚ құрамасы командалық жұмыс пен жеңіске деген ұмтылыстың үлгісін көрсете отырып, корпоративтік және өңірлік спорттық іс-шараларға белсенді қатысуды жалғастырады. Компания үшін спорттық аренада жеңіске жету бұл бедел ғана емес, сонымен қатар қызметкерлер арасында корпоративтік рухты нығайтуға ынталандыру.