«МӨЭК» АҚ энергетиктері Маңғыстау облысының ауылдық жерлерінде электрмен жабдықтаудың сенімділігі мен сапасын арттыру бойынша жұмысты жалғастыруда. Бір күн бұрын Қызылтөбе ауылында кәсіпорын мамандары кернеуі 6 кВ әуе электр беру желісіндегі сымдарды ауыстырды.

Бұл жұмыстар ауыл тұрғындарын тұрақты және үздіксіз электрмен жабдықтауды қамтамасыз етуге бағытталған, әсіресе жазғы кезең қарсаңында, тұрмыстық электр аспаптары мен салқындату жүйелерін белсенді пайдалану салдарынан электр желілеріне жүктеме едәуір артады.

Сымдарды ауыстыру кернеудің төмендеу қаупін азайтады, апаттық ажыратулардың алдын алады және халық үшін электрмен жабдықтаудың жалпы сенімділігін арттырады.

«МӨЭК» АҚ мұндай іс-шаралар өңірдің электр желілік шаруашылығын жаңғырту шеңберінде тұрақты негізде жүргізіліп жатқанын атап өтті. Басты мақсат-тұтынушылар үшін қолайлы жағдай жасау және әрбір елді мекенде сапалы энергиямен жабдықтауды қамтамасыз ету.