18 сәуірде «МӨЭК» АҚ қызметкерлері біліктілігін арттыру үшін велики Лука қаласына (Ресей) оқуға кетті. Білім беру бағдарламасы «ЗЭТО» ЗАО оқу алаңының базасында өтеді.

Оқыту курсы бірнеше күнге созылады және элегаздық жабдыққа техникалық қызмет көрсету, сондай-ақ бейінді өлшеу аспаптарымен жұмыс істеу мәселелеріне арналған. Бағдарлама заманауи салалық талаптарды ескере отырып құрылған және теориялық дайындықты да, практикалық сабақтарды да қамтиды. Мамандардың күнделікті қызметінде кездесетін нақты өндірістік жағдайларды пысықтауға ерекше назар аударылады.

Оқытуға қатысады:

• Н. Б. Касымов – Бозашы ЭЖА бас инженері;
• Е. А. Казахбаев – Сынау қызметінің іске қосу және сынау жөніндегі жетекші инженері;
• О. Ж. Куламанов – Өзен ЭЖА ҚС аға шебері;
• И. М. Сарсенов – Жоғары жиілік желілер қызметінің ҚС аға шебері;
• Н. К. Уразбаев – Ақтау ЭЖА қосалқы станция тобының бастығы

Оқуды аяқтау 26 сәуірге жоспарланған. Курс қорытындысы бойынша «МӨЭК» АҚ мамандары алған білімдерін практикалық жұмыста қолдана алады, сондай-ақ кәсіпорынның жас қызметкерлерімен тәжірибе бөлісе алады.